Komertzio txikietan erosten duzu? Zergatik?
Alde Zaharrekoa naiz eta familian betidanik erakutsi izan didate bertako dendetara joaten. Jarraitu egiten dut beti-betiko lekuetan erosten.
Zer eskaintzen dute komertzio txikiek handiek ez dutena?
Adibidez, jakiak freskoagoak izaten dira, eta harategi eta arrandegietan, nire ustez, garbitzeko-eta trataera hobea da. Erosketa pertsonalagoa izaten da eta tratua ere askoz gertukoagoa.
Komertzio txikietatik kanpo zerbait erosten duzu?
Esaterako, xaboia, detergentea eta horrelako produktuak supermerkatu handiagoetan erosten ditut batzuetan, baina, betiere, Alde Zaharrean bertan mugitzen gara.
Koronabirusak eraginik izan du jendearen kontzientzian?
Ez zait iruditzen. Inguruan entzun dudanagatik jende askok Internet bidezko erosketak egin ditu. Edota asko ikusi dut supermerkatuetan hamabost egunetarako erosketa egin eta etxeraino ekartzearena.