Tolosako Amarotz auzoan jaiak ospatzen dituzte garai honetan, eta horrekin batera, Intujai teatrok antolatutako Antzerki Astea izaten dute. Aurten, ordea, antzerkiaren astea izango dute bakarrik, baina umore, sorpresa eta apustuz betea dator.
Emanaldiak gaur hasi eta larunbata bitarte izango dira eta gehienak auzoko behealdean izango dira; futbol zelaia zegoen tokian, belardian. Asteazkeneko ipuin kontalaria auzoko beste txokoren batean izango da, baina oraindik ez dute zehaztu non. Segurtasun neurriak errespetatu beharko dira.
Emanaldi berezi asko egongo badira ere osteguneko ekitaldiekin arratsalde pasa ederra egin ahal izango dela aurreratu dute antolatzaileek. Pailaztanaren emanaldi batekin hasiko da arratsaldea eta gero, pintxopoteatro egin ahal izango da auzoan zehar. Musika zertzeladak Poprockpomperok jarriko ditu.
22. ANTZERKI ASTEA
Ekainak 30
20:00. Txikiren 40 urteko krixixa berrogeialdian umorezko bakarrizketa.
Uztailak 1
17:30. Nerea Ariznabarreta eta Mariano Hurtadoren Kontukontzertua.
20:00. Bea Larrañagaren Aire Hemendik.
Uztailak 2
17:00. Pailaztanaren Inprokomik.
18:00. Imanol Ituiño, Mago Diego eta Maider Alcelayk pintxopoteatroa egingo dute.
20:00. Poprockpomperoren Rastrojo y anisete.
Uztailak 3
18:00. Simon Dempseyren Insanus frater.
20:00. Intujai teatroren intuDJ-ai: Leihotikan guatekea.
Uztailak 4
19:00. Zirko Txoskoren Indartsuak.