Euskal Herriko artista ugarik, Josean Artzek idatzi eta Mikel Laboak musikatutako Martxa baten lehen notak kantuaren bertsioa egin dute. Iraide Ansorena tolosarra dago tartean, eta perkusioa jotzeaz gain, bera arduratu da bideoa editatzeaz, irudiak bildu eta musikarekin uztartzeaz.
Suaren irudi ugari ikus daitezke bideoan. Gaur gauean, San Joan bezpera dela eta, Euskal Herriko zenbait herritan izango lirateke suak; herritar ugarik egingo lukete haren gainetik jauzi, baita haren inguruan dantza ere. Hala ere, ezohiko egoera honetan, bertan behera geratu dira horietako asko. Horregatik, gaurko eguna modu berezi honetara ospatzeko egin dute bideoa.
Bideoan parte hartu duten artistak:
Iraide Ansorena: Perkusioa eta bideo edizioa.
Aritz Mugartegi: Moldaketa, Bouzoukia, Laoutoa, Mandolina eta nahasketa
Thierry Biscary: Ahotsa
Irene Herbera: Cretan Lyra
Antton Calleja: Albokotea
'KIMU txalaparta' (Sergio Lamuedra eta Txomin Dhers): Txalaparta
Letra: Josean Artze
Jatorrizko musika: Mikel Laboa