Txekor haragia, txerrikia, oilaskoa eta arkumea. Lau ardatz horien bueltan egiten dute lan gehien. Baina horiez gain, beste hainbat produktu bertan prestatzeko tartea ere hartzen dute: hala nola, tripakiak, odolkiak, mingaina, txerri hankak, txorizoa, txistorra, saiheskiak, solomoa, hanburgesak edota saltxitxak. Hori guztia, punta-puntako kalitatean.
Ehuneko ehunean bertako produktuaren aldeko apustua egina dute. Inguruko baserritarrekin harremana dute eta argi dute haien nahia: bertakoa bertan kontsumitzea. Eskualdean bertan, Leaburu, Ibarra, Berrobi, Tolosa, Bedaio, Amezketa, Villabona, Lizartza, Altzo edota Berastegiko baserrietatik jasotzen dute haragia. Tolosaldekoak ez diren beste hainbat herritatik ere ekartzen dute haragia, adibidez Nafarroatik. Guztira, 20 baserri ingurutatik jasotzen dituzte produktuak.
Bezeroa behar bezala zaindu nahi izaten dute, ahalik eta arretarik gertukoena eta atseginena eskainiz. Betiko bezeroak dituzte batetik, begietara begiratu hutsarekin zer nahi duten badakitenak. Baina bezero berriak ere eskuzabalik hartzen dituzte, bestetik.
Imanol Barriola Harategia
Helbidea: Laskorain kalea 15
Telefono zenbakia: 943 65 15 73
Facebook: Imanol Barriola Resa.