«Kuadrilla Eguna ez da egingo, antolatzaileek, udalaren babes osoarekin, hala erabakita, herritar guztion osasuna bermatzeko. Hortaz, larunbatean ez da festarik izango, arduragabekeria izango litzatekeelako milaka eta milaka tolosar kalean elkartzea». Kuadrillen topaketak ekiditea ezinezkoa dela esan dute eta kezka azaldu dute eta herritarrei erantzunkidetasunez jokatzeko eskatu. «Larunbatean hainbatek bazkariak egingo dituztela jakinda, udalak neurri bereziak hartuko ditu eta plazak bereziki zaindu. Ostalariek ere jarduera aurrera eramateko orain arteko segurtasun eta prebentzio neurriak bete beharko dituzte eta ohiko ordutegia izango dute larunbatean ez delako festarik izango».