Batetik, herrigunean barrena edota inguruko auzo, landa eremu eta mendietara oinez joateko hamar ibilbide zehaztu dituzte. Bestetik, herrigunetik irten eta mendian ibiltzeko ere zehaztu dituzte beste zortzi ibilaldi. Guztietan, ibilbideen luzera eta desnibela kontuan izanda, zailtasuna ere zehaztu da.
Ingurumen Sailak proposatutako 18 ibilbide horiez gain, badira distantzia, zailtasun eta denbora ezberdinetan egin ahal izateko ibilbide luzeagoak. Sailetik gogorarazten dute ibilbide guztietan nahitaezkoa dela ezarritako segurtasun neurriak hartzea. «Pertsonen artean bi metroko distantzia mantendu behar da eta ezin da 20 lagun baino gehiagoko taldeetan joan».