Kirola egiteko nahiz kalean ibiltzeko arropa “erosoa— saltzen dute denda batean, eta zapatilen eskaintza zabala dute bestean. Familia osoa goitik behera jantzi daiteke Shanti Kirolak dendetan, izan ere, umeetatik hasi eta helduetaraino eskaintzen dute aukera.
Osagarriak ere badituzte, besteak beste, motxilak, biserak, galtzerdiak eta kantinplorak. Eta horiez gain, esku pilotako eta futboleko osagarri guztiak dituzte eskura: batetik, pilotako kamisetak, galtzak, zapatilak, pilotak edota eskumuturrekoak; eta bestetik, futboleko kamisetak, botak, eskularruak, zango babesleak, galtzerdiak edota baloiak. Igeriketarako bainujantziak ere saltzen dituzte, eta baita frontenis eta palarako osagarriak ere.
Haurrak dituzten bikoteek eta helduagoak direnek zeharkatzen dute gehienbat, oraingoz, dendako atea. Izan ere, Olatz Zurutuzaren ustez, Interneten erosteko aukera izateak gazteak dendara gutxiago joatea dakar, «hor daukagu hutsunea». Hala ere, badute horren aurrean ideia: webgunea prestatzen ari dira, bertatik zuzenean erosi ahal izateko.
Helbidea: Rondilla kalea, 11 Telefono zenbakia: 623 38 19 00 Facebook: Shanti Kirolak Tolosa Instagram: Shanti Kirolak