Osasun alarmak, kalera irteteko ordutegiak malgutzen doazenez, Gazte Topaguneak bere eskaintza egungo egoerara moldatuko du. Horrela, nerabeek egoera berri honetan dituzten beharrei erantzun nahi diete hezitzaileek. Hori bai, kaleko topaketa horiek segurtasunez egiten direla bermatu nahi dute.
Hori dela eta, kaleko jarduerak berreskuratzen hasiko dira, asteburu honetatik aurrera, ezarritako segurtasun eta prebentzio neurriekin. Momentuz, gaur eta bihar online egiteko jarduerekin jarraituko dute. Larunbatean mendi irteera eta argazki lehiaketa egingo dituzte, eta igandean skate parkera joango dira. Asteburuko ekintzetan parte hartzeko beharrezkoa izango da izena ematea, eta ondoren jasoko den baimen orria gurasoen sinadurarekin bueltan bidaltzea.
Ez diogu hau kapritxo hutsagatik: lagundu iezaguzu. Eduki hau guztia doan ikusten duzu ez dugulako irudikatzen euskarazko hitzik gabeko Tolosalderik. Atarikide, iragarle eta erakunde askoren laguntzarik gabe ezinezkoa litzateke. Zenbat eta komunitate handiagoa sortu, orduan eta sendoagoa izango da ATARIA: zurekin, zuekin. Ez utzi biharko gaur egin dezakezuna: egin zaitez Atarikide!