KZguneak formakuntza modalitate berri bat jarri du martxan, Informazioaren eta Komunikazioaren Teknologietan trebatzeko. Zuzeneko formakuntza saioak izango dira, bideo-dei edo bideokonferentzia bidez. Guztira lau orduko saioak izango dira, bi orduko bi saiorekin. Talde txikietan eskainiko dituzte ikastaroak, lau eta sei kide artean saio bakoitzeko. Guztira 22 ikastaro eskainiko dituzte, eta hemen klik eginda ikus daiteke zerrenda osoa.
Saioetan parte hartzeko inprimaki bat bete behar da, norberaren datu pertsonalekin zein harremanetarako datuekin, bakoitzari ondoen datorkion ordutegia eta ikastaroa zein hizkuntzatan egin nahi duen zehaztuz. KZguneak mezu elektroniko bidez jakinaraziko dio izena eman duen bakoitzari zein egunetan eta ordutan jasoko duen ikastaroa eta bideo-konferentziara sartzeko esteka.
Ikastaroei buruzko informazio gehiago jaso nahi dutenek, 945 016 100 telefono zenbakira deitu edo kzc@kzgunea.net helbide elektronikora idatzi behar dute. KZgunetik gogorarazten dute, oraindik martxan dutela zalantza teknologikoak argitzeko urrutiko laguntza zerbitzua. Laguntza behar dutenek, 943 023 681 telefonora deitu edo tutor.tolosa@kzgunea.net helbidera mezu bat bidali dezakete.