Esan ez dugunarekin egin daiteke hiztegi bat
Babel desagertu zenekoa
Bilbotik ekarri ez dugun makailoarekin
bazkari bat ausenteena.
Eta agurtu ez ditugun hilekin
ibili ez ditugun zaldiekin
edo gure maskarekin eurekin
egin genezake basamortu bat
denborarentzat.
Baina ez etsi
ezagutuko baitugu Kahlo:
bere hezurrak itzuli egin ziren.
Ez etsi, ezagutuko baitugu esnea:
goizean isuri zen
zure iztermamietan
euri begiak lez
kristaletan.
Berriro festa, apoen deia
udaren antza dauka udak:
landu gabeko
soroetan, basa-laboreak.
ATARIA ez da soilik komunikabide bat: komunitate baten ahotsa da, eta urte hauen guztien ondoren, zuen babesa behar dugu, inoiz baino gehiago: ATARIAk behar du Tolosaldea. Horregatik erronka bat daukagu esku artean: gure eskualdeko 28 herrietan hamarna harpidedun berri behar ditugu. Zu falta zara, bazatoz?
