Larunbatero, 18:30eak aldera, Gudari kaleko balkoitik, kontzertua eskaintzen du teklatuarekin Iñigo Perurena Peru artista tolosarrak, bizilagunei ezohiko egoera hau arindu asmoz. Hasieran ez zuen hasteko asmorik, baina bizilagunek eskatuta hasi zen. Harrera ona izan du, eta bizilagunek nahiz herritarrek zorion mezu ugari bidali izan dizkie.
Era guztietako kantuak jotzen ditu, gehienak ere ezagunak. Tarteka, Iurreamendi eta Uzturre egoitzetako langileei omenaldia egiten die. Zuzenean ikus daitezke bere kontzertuak, Facebookeko 'Tolosarras' taldean. Gudari kaleko aldean duen balkoian jotzeaz gain, ibai aldekoan ere aritzen da. Oraindik ere, beste bi astez behintzat joko duela esan du.
Hori dela eta, esker mezu modura, 'Kaleko festak' izeneko kantua egin dute, letra eta guzti. "Mundiala zara. Ea guk ere zuk irribarre egitea lortzen dugun", diote bizilagunek.
Hemen kantuaren letra:
Kaleko festak zin Gudari kalian
berak abesten zuen balkoi batian
lau atso, hiru mutil zar
bermutana ere pareko portalian
seiterdik noiz iritxiko ote dian
zai gaude bai, zai gaude balkoian
Hasi denian teklatua montatzen
eta ondoren kaantuak kantatzen
rantxerak, regge pixka bat,
trikitixa ere Julito ez mesedez
Peru, jarri zazu berriz ritmua
atera zak berriz ere soinua
Kalea zegoen ixil ixilikan
jarri zenun ritmoa balkoietikan
bermuta edan ezkero,
eskuak briz briz ez dau asmatzerikan
edan ezan, edan bai gogotikan
ta hasiko gera lenengotikan
Kaleko festak zin Gudari kalian
berak abesten zuen balkoi batian
ederto pasatzen deu atsaldian
balkoiko txalo guztien artian