Alarma egoeran gauden honetan, Internetaren erabilerak izugarrizko goradaka izan du, erosketak egiteko, lanerako edota etxekoekin zein lagunekin harremantzeko. Horrela, KZgunea zuzeneko hitzaldiak egiten ari da maiatzean zehar, hainbat gaiei buruzko trebakuntzatan sakontzeko. Saioak KZGuneak Youtuben duen kanalean eskaintzen dira, astean bi egunetan, goizez zein arratsaldez, euskaraz eta gaztelaniaz.
Gai teknologikoei buruzkoak dira hitzaldiak, eta horietan parte hartzeko Youtubeko kanalean sartzea besterik ez da behar. Parte hartzeko, beraz, ez da beharrezkoa aurrez izena ematea.
Honakoa da hitzaldien zerrenda, bakoitza emango den egunarekin eta ordutegiarekin:
- Maiatzak 12, 18:00-20:00 / Gaztelania: Heziketa eta segurtasuna Interneten
- Maiatzak 14, 11:00-13:00 / Gaztelania: Zure ordenagailua birus eta bestelako mehatxuetatik babestu
- Maiatzak 19, 11:00-13:00 / Euskara: Ezagutu 3D inprimatzeak dituen aukerak
- Maiatzak 21, 18:00-20:00 / Gaztelania: Gauzen Interneta
- Maiatzak 26, 18:00-20:00 / Gaztelania: Android sekreturik gabe
- Maiatzak 28, 11:00-13:00 / Gaztelania: Zure Smartphonea prest izan
KZgunetik gogorarazi dutenez, oraindik martxan dute zalantza teknologikoak argitzeko urrutiko laguntza zerbitzua. Laguntza behar dutenek 943 023 681 telefonora deitu edo tutor.tolosa@kzgunea.net helbidera mezu bat bidali dezakete.