Larramendi kalean bihar, maiatzak 7, hasiko diren berritze eta konpontze lanak direla-eta, hainbat aldaketa izango dira trafikoan eta autobus geltokietan. Azken egunetan Arriarango biribilgunetik Arrameleko zubira arte egin diren lanek jarraipena izango dute datozen asteetan. Hala, bihar, maiatzak 7, goizeko 08:00etatik aurrera Larramendi kaleko 6. zenbaki parean dagoen autobus geltokia zerbitzutik kanpo geratuko da. Autobusa geltoki horretan geratu ordez, Jon Andoni Irazusta kalean (biala) Telepizzak duen lokalaren ondoko geltokian geratuko da.
Bestalde, hilaren 13tik aurrera, Larramendi kaleko 3. zenbakiaren parean (Txosne dendaren inguruan) zorua konpontzeko lanak egingo dira, eta ondorioz, bide hori itxita egongo da trafikoarentzat, bi egunez gutxienez.