Berriro asma nazazu hirugarren albumaren aurkezpena uda ondorenera atzeratu bazuten ere, aurrerapen kanta plazaratu dute gaur: "Denboraren joan-etorriaren pertzepzioa erabat aldatu digun konfinamendu sasoi honetan, Tenpora-k denboraren inguruko hausnarketa eder eta lasaia proposatzen du disko berriaren aurrerapen kantu honekin", adierazi du Juantxo Zeberio Etxetxipia taldekide tolosarrak. "Harkaitz Canoren testu jostariak dioen moduan, lorarik lora doan eta etxe barruan sartu zaigun denbora arraro hau goxatzen lagunduko du, akaso", gaineratzen du Zeberiok.