Buru-Bihotzez elkarteak laguntzen jarraitu nahi du, eta hori dela eta Maria Erdozain elkarteko psikologoa laguntzeko prest dagoela esan dute. "Etxean geratzeko epea luzatu denez, eta bizitzen ari garen osasun-larrialdiko egoera honen aurrean, Tolosaldea mailan alzheimerra eta beste dementzia batzuk dituzten pertsonen senide eta lagunak biltzen dituen Buru-Bihotzez elkartetik, bai beren egoera pertsonalagatik, bai zaintzen dituztenek izan ditzaketen jarrera-aldaketengatik, laguntza behar duten edo behar izan dezaketen eskualdeko familien eskura jartzen gara", esan dute elkartetik.
Horiek horrela, Maria Erdozain psikologoarekin 688 760 927 telefono zenbakira deituta edo whatsapp bidez mezua bidalita hitz egin daitekeela esan dute. Kontsultak egiteko arreta ordutegia astelehenetik ostiralera, 10:00etatik 13:00etara eta 16:00etatik 19:00etara, eta asteburuan 10:00etatik 13:00etara dela esan dute.