Tolosako Udaleko Egoitz Sorozabal Lurralde Arloko arduradunak esan du euren irizpide nagusia herritarren segurtasuna bermatzea dela eta horretara bideratu dituztela ekintza eta esfortzu guztiak.
Hartu dituzten neurrien artean nabarmendu du Hiribus zerbitzua murriztu eta egoera berrira egokitu dutela eta TAO zerbitzua hasieratik etetea erabaki zutela. Hondakin bilketa egokitu dutela gaineratu du. Kale garbiketari lehentasuna eman diotela eta kaleak desinfektatzen ari direla azaldu du. Horretarako kale garbiketa "sendotuz" eta garbiketan langile gehiago jarriz.
Jada hasita zeuden San Frantsizko kaleko 41 eremuko asfaltatze lanak bertan behera uztea erabaki dutela esan du ere. Eta aurrekontuan jasotako hirigintza proiektuak berrikusten eta lehentasunak zehazten ari direla gaineratu du.