"Tolosaldea Garatzenen eskutik, eta udalak ere diruz lagunduta, enpresa partikular batek Orendaindik Bedaioko erdigunera irrati uhinez banda zabala eraman du, eta beraz, wifi librea eta doakoa dute erdigunean", adierazi dute udaletik. "Lan hori eginda eta instalakuntza horretaz baliatuz, orain, Bedaioko bizilagunek, beren etxebizitzetara hedatu dezakete banda zabala", gaineratu dute.
Gainera, "udala, ahalik eta modurik azkarrenean, irtenbide bat ematen ahalegindu da zuntz optikoa auzoan ezartzen den bitartean", esan dute Tolosako Udaletik.
Bukatzeko, azpimarratu dute Gipuzkoako Foru Aldundiak legealdi honetan landa eremuan zuntz optikoa hedatzeko konpromisoa hartua duela.
