Diputazioaren arabera, azken hildakoak izan dituzten egoitzak izan dira Tolosako Iurreamendi (2), Eibarko Egogain (1), Zarauzko Santa Ana (1), Zumaiako Otezuri (1), Beasaingo Arangoiti (4) eta Ordiziako San Jose (3). Orain arte 40 dira egoitzetan hildako adineko pertsonak. Horietatik 10 Tolosan bizi ziren.
Horrez gain, 33 positibo egon direla azaldu dute Gipuzkoako Four Aldunditik. Zein egoitzetan ez dute zehaztu: "Guztia 14 dira positiboren bat antzeman duten egoitzak, 65 egoitzako saretik. Egoitza-sare osoan 199 pertsonek eman dute positibo, 20 ospitaleratuta daude eta 34 eraman dira Donostiako Gurutze Gorriaren zentrora".