Martxoaren 9an ekin zitzaien San Frantzisko pasealekuko 41 zenbakiko eremua hobetzeko lanei, besteak beste, espaloiaren kota igo, zorua berritu eta irisgarritasuna hobetzeko eta Led argiak ezartzeko helburuarekin. Larrialdi egoeran, segurtasun neurri guztiak bermatuta, udala lanekin aurrera egiten ahalegindu bada ere, azken dekretuaren ondorioz, bihartik aurrera eten egingo dira obra guztiak, bai izaera publikoa dutenak, baita izaera pribatukoak ere.
Udaltzaingoak eremuaren zaintza egingo du eta dekretua indargabetzen denean, berriz ekingo diete lanei.
Koronabirusa
Obra publiko eta pribatu guztiak etenda
Dekretu berriaren haritik, bihartik aurrera bertan behera utziko dira obra guztiak, izaera publiko zein pribatukoak. Dekretua indarrean dagoen bitartean, beraz, etenda geratuko dira San Frantzisko pasealekuko lanak.
Ez diogu hau kapritxo hutsagatik: lagun gaitzazu . Eduki hau guztia doan ikus dezakezu euskarazko hitzik gabeko Tolosaldea ez dugulako irudikatzen. Atarikide, iragarle eta erakunde askoren laguntzarik gabe ez litzateke posible hori. Gero eta komunitate handiagoa sortu, orduan eta sendoagoa izango da Ataria: zurekin, zuekin. Ez utzi biharko gaur egin dezakezun hori: egin zaitez Atarikide!
EGIN ATARIKIDE!