Koronabirusa

Usabal kiroldegiak ez du kuotarik kobratuko

Oraingoz, apirileko kuoten ordainketa izoztuta geratu da, eta martxoko ikastaroak eta kuoten parte proportzionala konpentsatzeko aukera ezberdinak aztertzen ari da zerbitzua eskaintzen duen enpresa.

Osasun krisia dela eta, arduraz eta elkartasunez jokatze aldera, kutsatzeak saihestu eta herritarren segurtasuna bermatzeko, hilaren 13az geroztik itxita dago Usabal kiroldegia, berriz irekitzeko erabakiaren zain. Egoera honek iraun bitartean, kiroldegiko kuotak izoztuta geratuko dira. Hortaz, bazkideei ez zaie apirileko kuota kobratuko, eta horiei nahiz ikastaroetako partaideei martxoan helbideratu eta kobratutako kuotekin, egindako ordainketa konpentsatzeko aukera desberdinak aztertzen ari da zerbitzua eskaintzen duen enpresa. 

Albiste hau ATARIKIDEei esker argitaratu dezakegu. Haiei esker Tolosaldeko albisteak libre, euskaraz eta kalitatez irakurtzen dituzu. Horrela izaten jarraitzeko eman babesa Tolosaldeko Atariari eta ZU ERE IZAN ZAITEZ ATARIKIDE.

#EgitenDuzunaGara


EGIN ATARIKIDE!