Baiko Pilota enpresak jakinarazi duenez, Laso eskuin eskuko minez dago eta tolosarra izango da bere ordezkoa azken jardunaldi erabakigarrian.
Peña II.ak eta Albisuk Elezkano II-Rezustaren aurka jokatuko dute larunbatean, Iruñeko Labrit pilotalekuan. Partida erabakigarria izango da, hurrengo kanporaketarako sailkapeneko postuen saltsa bi bikote horien artean baitago, Olaizola II-Urrutikoetxearekin batera.
Peña II.a promozio mailako txapelketa jokatzen ari da Arangurenekin batera. Azken jardunaldiaren faltan sailkapen buru daude, txapelketa bikaina eginaz.
ATARIA ez da soilik komunikabide bat: komunitate baten ahotsa da, eta urte hauen guztien ondoren, zuen babesa behar dugu, inoiz baino gehiago: ATARIAk behar du Tolosaldea. Horregatik erronka bat daukagu esku artean: gure eskualdeko 28 herrietan hamarna harpidedun berri behar ditugu. Zu falta zara, bazatoz?