Jon Andoni Irazusta pasealekua errail bat itxita egongo da, igande goizean

Zenbait zuhaitz moztu behar dituztela-eta, bialeko errail bat itxiko dute.

08:00etatik 14:00etara bitarte itxiko dute bidea, Jon Andoni Irazusta bialaren goialdean dauden zuhaitz batzuk moztu ahal izateko.

Horrek zenbait aldaketa sortuko ditu trafikoan, besteak beste: Larramenditik Santa Klarara ezingo da bialetik joan, et Rondilla kaletik desbideratuko dute trafikoa, ondorioz. Kontrako bidea, berriz, Santa Klaratik Larramendi auzora doana, pasealekutik bertatik egingo dute ibilgailuek.

Donostia aldetik Ibarrarantz joan nahi dutenek, berriz, Asuncion klinikara igotzeko Larramendin dagoen bidea hartu beharko dute, handik Santa Klarara jaisteko.

Jon Andoni Irazusta pasealekuaren mozketak ez du eragingo autobus zerbitzuen ordutegi nahiz geltokietan.

Albiste hau ATARIKIDEei esker argitaratu dezakegu. Haiei esker Tolosaldeko albisteak libre, euskaraz eta kalitatez irakurtzen dituzu. Horrela izaten jarraitzeko eman babesa Tolosaldeko Atariari eta ZU ERE IZAN ZAITEZ ATARIKIDE.

#EgitenDuzunaGara


EGIN ATARIKIDE!