Etxebizitzetan lapurretak egiteagatik lau pertsona atxilotu dituzte Tolosan

Ertzaintzak jakinarazi duenez, Euskal Herritik kanpo ere lapurretak egiten zituen taldea da atxilotu dutena. Tolosan 70 etxebizitza omen zituzten markatuta.

"Silikonazko hariz markatzen zituzten etxebizitzak, ondoren, lapurreta non egin zitekeen erabakitzeko. Tolosan 70 etxebizitza zituzten markatuta. Horietako bitan lapurreta egin ondoren izan ziren atxilotuak otsailaren 9an", Barne Sailetik azaldu dutenez.

Herrialde Katalanetan eta estatuko beste hainbat puntutan ere lapurretak eginak omen dituzte, "modus operandi" bera erabiltzen zutela jakinarazi dute Ertzantzatik. Mossos d'Esquadra kontrolaturik omen zituen. Leku batetik bestera alokatutako kotxez mugitzen zirela ere azaldu dute. 

Albiste hau ATARIKIDEei esker argitaratu dezakegu. Haiei esker Tolosaldeko albisteak libre, euskaraz eta kalitatez irakurtzen dituzu. Horrela izaten jarraitzeko eman babesa Tolosaldeko Atariari eta ZU ERE IZAN ZAITEZ ATARIKIDE.

#EgitenDuzunaGara


EGIN ATARIKIDE!