Urteroko garaian heldu da zuhaitz azoka: gabonen ondoren, eta inauterien atarian. Urteko lehen azoka berezia izan da gaurkoa, eta zuhaitz eta landare zaleek ederki aprobetxatu dute hitzordua, mintegietako adituei aholkuak eskatzeko.
Euskal Herri osoko 11 mintegik parte hartu dute hitzorduan, eta zuhaitzak, zuhaixkak, landareak eta loreak izan dira nagusi. Hazi mordoa eskuratzeko aukera ere izan da, eta lore sortekin ere etxeratu da, bat baino gehiago.
Eguraldiak zintzo eutsi dio eguerdia pasa bitarte. Hala ere, ereitearen eta zaintzearen magiak harrapatutakoak, ohituta daude zerura begira bizitzen.