Tolosako biztanleriaren azken zifra ofiziala onartu du, udalbatzak, urtarrileko ohiko osoko bilkuran. Horretarako, 2019ko urtarrilaren 1eko zenbakia hartu dute erreferentziatzat eta, ondorioztatu, gora egin duela Tolosako biztanleriak: 19.667 herritarrekoa da, orain, zifra ofiziala .
Legearen zehaztasunak tarteko, Tolosan zenbait aldaketa sortuko lituzke, 20.000 biztanleren langa gainditzeak. Besteak beste, udalbatzan zinegotzi gehiagok egon beharko lukete eta, horrez gain, legez eman beharreko zerbitzuak ere beste batzuk lirateke.
MOZIOARI EZEZKOA
Lan pentsio eta bizitza duinen aldeko mozioa aurkeztu zuen EH Bilduk, greba orokorraren harira, baina EAJk eta PSE-EEk kontrako botoa eman zioten, «greba politikoa» izan zela iritzita.