Tolosako San Blas auzoan egun handia ospatzen ari dira gaur. Goizean meza eta toka txapelketa izan dituzte. 18:30ean Elustondo anai-arrebak igoko dira oholtzara.
San Blas egunean izen bereko erroskillak saltzen dituzte Tolosako auzoan. Bertakoez gain, inguruko herrietako jende ugari elkartu da gaurkoan ere festarekin bat eginaz. Eztarriko minaren aurkako lokarria erostera joan denik ere izan da. Lepoan bederatzi egunez eman behar omen da lokarria, ondoren su eman eta erretzeko. Hori eginez gero, akabo eztarriko mina. Hurrengo urtera arte behintzat.
Ez diogu hau kapritxo hutsagatik: lagun gaitzazu . Eduki hau guztia doan ikus dezakezu euskarazko hitzik gabeko Tolosaldea ez dugulako irudikatzen. Atarikide, iragarle eta erakunde askoren laguntzarik gabe ez litzateke posible hori. Gero eta komunitate handiagoa sortu, orduan eta sendoagoa izango da Ataria: zurekin, zuekin. Ez utzi biharko gaur egin dezakezun hori: egin zaitez Atarikide!