Zezen plazan dagoen garabi-dorrea desmuntatzeko lanak direla-eta, bi egunez trafikoari itxiko diote kalea.
Gaur eta bihar itxita izango da Gudari kalea, eta trafikoan zenbait aldaketa eragingo ditu horrek, Tolosako Udalak jakinarazi duenez.
Gudari kalera sartzeko, Nafarroa etorbidea eta Samaniego kaleak baliatu beharko dira eta, horretarako, Samaniego kaleak kontrako noranzkoa hartuko du, bi egunez.
Era berean, Zumalakarregi pasealekuko ibai bazterreko zatia ere itxita izango da; bertakoek eta garajeetara doazenek baino ez dute izango sarbidea, bi noranzkotan.
Ez diogu hau kapritxo hutsagatik: lagundu iezaguzu. Eduki hau guztia doan ikusten duzu ez dugulako irudikatzen euskarazko hitzik gabeko Tolosalderik. Atarikide, iragarle eta erakunde askoren laguntzarik gabe ezinezkoa litzateke. Zenbat eta komunitate handiagoa sortu, orduan eta sendoagoa izango da ATARIA: zurekin, zuekin. Ez utzi biharko gaur egin dezakezuna: egin zaitez Atarikide!