Ikasketen garrantzia, unibertsitatea edo lanbide eskola aukeratzea, ikasi beharko duten guztia, horrek ekarriko duen gastu ekonomikoa, familiak egin beharko duen esfortzua… A zer presioa!
Planteatu ote diogu geure buruari, orain, horrelako erabakia hartu beharrak suposatuko ligukeena? Egia esan, ez dut uste gurasook hausnarketa hori egiten dugunik. Saiatzen gara beraiek konprenitzen, animatzen, laguntzen, motibatzen… ez dakidana da lortzen dugun ala ez. Ahaztu egiten zaigu gu beraien adinean nola ibiltzen ginen, ez dut uste hainbesteko presioa zegoenik, goi mailako ikasketak ez egitea ez zen drama bat etxean, orduko gazteak aurrera atera dira ikasketa eta ikasketarik gabe.
Gaur egun eskatzen zaien maila, eremu guztietan, izugarria iruditzen zait, eta... gazteak dira, eta beraien gaztetasunaz disfrutatu behar dute, hori ere, bukatuko zaielako.
Gogoratu gaitezen pixka bat gure gaztetasunaz, garai hartako ilusio eta arazoez, eta saia gaitezen hori beraiekin konpartitzen. Eta erabakitzen dutena, nahiz eta gure iritziarekin bat ez egon, errespeta eta babestu dezagun.