Historiak dio, garai batean 38 kale sagardotegi izatera iritsi zela Tolosa. Horietako asko, gaur egungo elkarte gastronomikoen nahiz tabernen iturburu izan ziren, eta haiek guztiak ezagutzeko aukera izango da, larunbat honetan, Tolosan. Tolosako kale sagardotegien historia egitasmoa prestatu du, Tolosaldea Garatzeneko turismo sailak, Intujai Teatro taldearekin batera, eta bi bisita antzeztu izango dira.
«Aparteko esperientzia» izango dela azpimarratu dute Tolosaldea Garatzeneko arduradunek, garai bateko historia kuxkuxero, saltzaile, alproja eta parranderoen eskutik ezagutzeko aukera izango baitute bisitetako parte hartzaileek; Tolosako kale sagardotegietako bitxikeriak, esamesak, kontuak eta bertsoak izango dituzte hizpide.
Gaur egungo hiri komertziala antzina Tolosako zuen bidegurutze izaeratik nola sortu den azalduko dute aktoreek, eta, nola, kupela hasi eta bukatu arte edaten zuten, trago bakoitza igeltsuaz kupelean markatuz.
Bisitetan parte hartzeko izena eman beharko da, tour@tolosaldea.eus helbidean edo 943 69 74 13 telefonoan. 16:00etan euskarazko bisita izango da, eta 18:00etan gaztelerazkoa. Biak Gaztelako atean hasiko dira, eta 8 euro ordaindu beharko du parte hartzaile bakoitzak.
Tolosaldea Garatzeneko turismo sailak Tolosako sagardoaren historia ezagutzeko hitzordua antolatu du larunbaterako
Ez diogu hau kapritxo hutsagatik: lagundu iezaguzu. Eduki hau guztia doan ikusten duzu ez dugulako irudikatzen euskarazko hitzik gabeko Tolosalderik. Atarikide, iragarle eta erakunde askoren laguntzarik gabe ezinezkoa litzateke. Zenbat eta komunitate handiagoa sortu, orduan eta sendoagoa izango da ATARIA: zurekin, zuekin. Ez utzi biharko gaur egin dezakezuna: egin zaitez Atarikide!
EGIN ATARIKIDE!