Euskadiko selekzioarekin hartu zuen parte tolosarrak, eta taldekide izan zuen Beñat Garaiar oiartzuarrak lortu zuen txapelketa.
Tolosako Oriako-Limousin taldeko ordezkaritza Eneko Arocena, Naroa Olano eta Kattalin Iriondok osatu zuten. Olanok zazpigarren postua lortu zuen junior mailan eta Iriondok bederatzigarren postua kadete mailan Espainiako Txapelketako omniumean.
Igandean berriz Espainiako koparako puntuagarri zen madison probetan hartu zuten parte. Kadete mutiletan, Arocenak, Garaiar bikote lagun izanik, bigarren postua lortu zuen. Iriondok, Naya Mangas bikote zuela, hirugarren postua, eta Olanok, Mairu Uriarte lagun zuela, bosgarrena.
"Emaitza ezin hobeak" Oriako txirrindulari eskolako txirrindularientzat, eskola bertatik azaldu dutenez.