Aurten txotxongiloen nazioarteko etxeak hamar urte bete dituela-eta, Topic zentroak protagonismo berezia hartuko du Fitur azokan, eta ikus-entzunezko lana izango da horretarako bidea. Udalak iragarri du, gainera, datozen hilabeteetan ezustekoren bat edo beste izango dela herritarrentzat.
Tolosako bisitariei begira, berriz, mapa eta panel turistiko berriak aurkeztuko ditu udalak; «erabilerrazagoak, turisten esperientzia hobetzeko». Oinarrizko informazioa bildu dute paneletan, eta hiztegia, helbidea, Topic, azoka, gastronomia, herriaren historia eta turismo bulegoko informazioa eskainiko dizkiete bisitariei; iaz aurkeztutako moleskinea osatuko dute.
Olatz Peon Tolosako alkateak Fitur azokan parte hartzearen garrantzia nabarmendu du, «ikasteko, joera berriak ezagutzeko eta promozionatzeko» aukera azpimarratuz.
Tolosako Udaleko ordezkariak eta Topic zentrokoak atzo bertaratuko ziren Madrilgo azokara, eta bi proiektu nagusi aurkeztu: Tolosako mapa eta panel turistiko berriak, eta Topic -en promozio bideo berria.
Ez diogu hau kapritxo hutsagatik: lagundu iezaguzu. Eduki hau guztia doan ikusten duzu ez dugulako irudikatzen euskarazko hitzik gabeko Tolosalderik. Atarikide, iragarle eta erakunde askoren laguntzarik gabe ezinezkoa litzateke. Zenbat eta komunitate handiagoa sortu, orduan eta sendoagoa izango da ATARIA: zurekin, zuekin. Ez utzi biharko gaur egin dezakezuna: egin zaitez Atarikide!
EGIN ATARIKIDE!