Ostegunean, ostiralean eta larunbatean jokatu zuen Lara Arruabarrenak. Australiako Irekian egoteko, aurre kanporaketa gainditu behar zuen. Ondo hasi zen, ostegunean eta ostiralean irabaziz. Larunbatean, ordea, Nao Hibino japoniarraren aurka galdu egin zuen: 6-1 eta 6-2. Aurre kanporaketan 240 tenis jokalari zeuden, eta horietatik puntu gehien pilatzen zituztenek parte hartu zezaketen irekian. Arruabarrenak ez du gainditu langa, nahiz eta hirutik bi partida irabazi.
Gaur hasi da Australiako Tenis Irekia. Arruabarrenak bertan egoteko aukerak zituen, aurre kanporaketetan parte hartu duelako. Hiru egunetan hiru partida jokatu ditu.
Ez diogu hau kapritxo hutsagatik: lagun gaitzazu . Eduki hau guztia doan ikus dezakezu euskarazko hitzik gabeko Tolosaldea ez dugulako irudikatzen. Atarikide, iragarle eta erakunde askoren laguntzarik gabe ez litzateke posible hori. Gero eta komunitate handiagoa sortu, orduan eta sendoagoa izango da Ataria: zurekin, zuekin. Ez utzi biharko gaur egin dezakezun hori: egin zaitez Atarikide!
EGIN ATARIKIDE!