Urtarrileko hirugarren asteburuarekin batera, datorren igandean Ero Etxe elkartearen krosak hartuko du Tolosako erdigunea. Horrela, trafikoari itxiko dizkiote bi gune: Rondilla kalea eta Zubi Berria.
10:00etatik 14:00etara bitarteko etenaldia izango da, eta horrek autobusei ere eragingo die, geralekuei dagokienez. Batetik, ibilbide luzeko autobusek Santa Klaran egingo dute geldialdia, Gorosabel eraikinaren atarian egin beharrean. TSST autobusak, berriz, Amarotz auzotik barrena sartuko dira, eta hiru geldialdi egingo dituzte, zezen plazan sartu gabe: Kondeaneko Aldapa 3 (Agaramundu), Jon Andoni Irazusta (biala) eta Larramendi. Azkenik, eskualdeko autobusek ere Santa Klarara lekualdatuko dute Gorosabel atariko geldialdia; ez dira San Frantzisko pasealekuko bi geltokietan geratuko.