Pedro Sanchez Espainiako gobernuburua ministroen berri ematen ari da egunotan. Gaur, Sanchezek Arantxa Gonzalez Laya (Tolosa, Gipuzkoa, 1969) legelaria aukeratu du Atzerri ministro kargurako. Egun, NBEren idazkari nagusiordea da tolosarra, baita ITC Nazioarteko Merkataritza zentroko zuzendaria ere. Hainbat lan egin izan ditu Europako Batzordean, nazioarteko harremanetan, merkataritzak, komunikazioan zein garapenerako lankidetzan.
Sanchezek igande honetan emango du ofizialki gobernu berriaren egituraren berri. Igandean, Sanchezek Felipe VI.a Espainiako erregeari emango dizkio gobernu berria osatuko duten ministroen izenak, eta, ostean, Espainiako gobernuburuak agerraldi bat egingo du komunikabideen aurrean. Hurrengo egunean, urtarrilaren 13an, karguaren zina egingo dute ministro berriek. Gobernu berriak asteartean egingo du lehen Ministro Kontseilua.