Urte berria hastearekin batera, tradiziozko hitzordu da Ero Etxe elkarteko krosa. Datorren urtarrilaren 19an izango da aurtengoa, eta 33. aldiz ospatuko dute, gainera.
Korrikalariek ikastetxeen bitartez bideratuko dituzte izen-emateak, baina, hala nahi duenak, probaren egunean ere izango du izena emateko aukera, irteera ordua baino ordu erdi lehenago.
Benjamin, alebin eta infantilek parte hartuko dute, eta emakume eta gizonen kategoriak nor bere aldetik irtengo dira. Benjaminek itzuli motz bana egin beharko dute (1.100 metro), eta alebinek itzuli luzea (1.400 metro). Infantilen kasuan, ordea, ibilbide desberdina osatu beharko dute emakumeek (1.950 metro) eta gizonek (2.800 metro).
Lasterketa korrikalari helduenek zabalduko dute, 11:30ean, eta azken txanda benjaminena izango da, 12:30ak inguruan hasita. Beti bezala, irteera eta helmuga San Frantzisko pasealekuan izango ditu Ero Etxeko krosak.
Datorren urtarrilaren 19an izango da eta, urteroko moduan, benjamin, alebin eta infantilek parte hartuko dute.
Ez diogu hau kapritxo hutsagatik: lagundu iezaguzu. Eduki hau guztia doan ikusten duzu ez dugulako irudikatzen euskarazko hitzik gabeko Tolosalderik. Atarikide, iragarle eta erakunde askoren laguntzarik gabe ezinezkoa litzateke. Zenbat eta komunitate handiagoa sortu, orduan eta sendoagoa izango da ATARIA: zurekin, zuekin. Ez utzi biharko gaur egin dezakezuna: egin zaitez Atarikide!
EGIN ATARIKIDE!