Ataria Bertso Jaialdia eskualdeko bertsozaleentzat ezinbesteko hitzordua da eta 2020. urteko bertso-festa urtarrilaren 18an ospatuko da. Honako seikotea izango da oholtzan: Maialen Lujanbio, Amets Arzallus, Oihana Iguaran, Andoni Egaña, Alaia Martin eta Julio Soto. Gai-jartzaile lanetan, berriz, Amaia Agirre ariko da.
Leidor bete-betea izango da aurten ere, sarrera guztiak dagoeneko saldu baitira. Lehenengo, Atarikideek eskuratzeko aukera izan zuten eta ondoren, azken 200 sarrerak, edozeinek erosteko moduan jarri ziren.