Urte hasierarekin batera, Tolosako Udalak urteko lehen udal aldizkaria banatu du, etxez etxe. Agerkariko gai zentrala Legealdiko Kudeaketa Plana da, eta Gabonen atarian jendaurrean aurkeztutakoa jaso dute paperean. Dokumentua eskura daiteke udal eraikin publikoetan, eta baita www.tolosa.eus atarian ere, formatu digitalean.
Udalaren antolaketa berria azaldu diete herritarrei eta, horrekin batera, kudeaketa planean bildutako proiektu eta asmo nagusiak.
Antolakuntzaren bide beretik, udal aldizkaria ere berrituta iritsi da 2020ra, eta aurrerantzean orrialde gutxiago eta paper birziklatua izango ditu argitalpenak.