Lehenik, kanpoan izan dira, eta ondoren, egoitzako kaperara joan dira. Bertan, banaka agurtu dituzte haurrak. Hiru Erregeek desio bat soilik eskatu diete haurrei: "Gaur gauean, garaiz joan lotara, eta garrantzitsuena, inondik inora ere ez esnatu". Esnea eta gailetak jarriko dizkietela esan diete zenbait haurrek. Iurreamendikoa, ordea, ez da bisita bakarra izango. Izan ere, Meltxorrek, Gasparrek eta Baltasarrek, Tolosako Alde Zaharra zeharkatuko dute gaur iluntzean.
18:30ean hasiko da kabalgata. Ordu horretan, Plaza Zaharretik abiatuko dira, Buruhandi eta Erraldoien konpartsarekin, Udaberri Dantza Taldeko haurrekin, Tolosako Musika Bandarekin, eta Jaiotzen Lehiaketan parte hartu dutenekin batera. Euskal Herria Plazan egingo dute lehen geldialdia. Bertan, herritarrak agurtuko dituzte, eta dantzarien txanda helduko da ondoren. Behin ekitaldia amaituta, Zerkausirako bidea hartuko dute, bertan haurren eskakizunak banan bana entzuteko.