2002. urtean abiatu zuten, Tolosan bertan, Hodeiertz abesbatzak eta Juantxo Zeberio Etxetxipiak jazza eta musika korala uztartzen dituen Umama proiektua. Proiektuak badu jarraipena, eta gaur bertan Eguberri Umama entzuteko aukera izango da, 20:15ean, Leidor Antzokian. Horixe izango da Hodeiertz abesbatzaren Gabonetako kontzertu berezia. Lan horretarako, txiki-txikitatik etxean nahiz kalean entzun eta abestu diren gabon kanta kuttunen aukeraketa bat egin dute.
Pianoa, zuzendaritza musikala eta moldaketak, Junatxo Zeberio Etxetxipiaren eskutik etorriko dira; Mikel Andueza arituko da saxoan, David gorospe baterian eta Amaiur Cajaraville baterian. Jazz laukote horrekin batera, Hodeiertz abesbatzak hartuko du parte, eta hauek zuzentzen Enrique Azurza arituko da.
Honako abestiek borobilduko dute gaua:
- Izar baten gainean (J. Zeberio Etxetxipia / Karlos Linazasoro
- Mesias sarritan (Ercilla)
- Noel-Noel (Herrikoia)
- Oi Betleem (Herrikoia)
- Santus (I.Mokoroa)
- Elurra mara-mara (Serge Jarof)
- Aleluya (I. Mokoroa)
- Errege jaya
- Beti da orain
- A capelako kantua
- Kantu bat instrumentala