Lehenengo partidan, jubenil mailan, Iker Egiguren eta Arbaiza bikoak Aimar Egiguren eta Emaldi bikotearen aurka. Bi aurrelari trebe eta bere ahalmena erakutsi nahi duten bi atzelari. Bigarren partidan, jubenil mailakoa ere, Lizeaga anaiek osatzen duten bikotea eta Iker Amiano eta Pablo Ibañez bikotea ariko dira elkarren aurka. Lizeaga anaiek aurre-hitzarmena sinatuta dute Baiko enpresarekin, eta, bestalde, Amiano eta Ibañezi oso zaila da irabaztea. Hirugarren partidan, etorkizuneko mailakoa, Ruiz de Larramendi-Azkarraga eta Zabala-Oliden bikoteek neurtuko dituzte indarrak.
Eneko Labaka eta Telletxea, finalerdietan
Aurreko larunbatean jokatutako jardunaldian, Eneko Labaka eta Telletxea Albizturko bikoteak finalerdietarako txartela lortu zuten nagusien mailan, Xabier Urbieta eta Andoni Gaskueri 22-16 irabazi ondoren.