14:00ak bitartean jende asko ibili da postuz postu, plazaz plaza eta kalez kale. Nekazaritzako postuei, artisauak gehitu zaizkie. Jateko eta edatekoez gain, zer ikusi eta zer erosi asko izan da Tolosan. Eta Alondegia plazak haur ugari hartu ditu, besteak beste, animalia ezberdinak ikusteko aukera baitzegoen bertan. San Tomas eguna izanik, Tolosan ere izan da txerria, txerrikume eta guzti.
Tolosako kaleak alaitzeko ardura, Tolosako erraldoi eta buru handiek izan dute, eta horien atzetik ere familia ugari ibili da. Euriak ere agertu nahi izan du Gabonetako azoka berezian, baina bisita laburra izan da berea, eta errespetatu du goiza.