Arropa eta jostailuak kalean ere jarri behar izan dituzte, merkatu txikiko antolatzaileek. Urteroko moduan, elkartasun helburuz merkatu txikia zabalik izango da, urtarrilaren 5a bitarte, Tolosako kultur etxeko beheko solairuan. 10:00etatik 13:00etara eta 17:00etatik 20:00etara izango da zabalik.
Azokarekin, "gauzen berrerabilpena bultzatu" nahi dute, eta aldi berean, bertan lortutako dirua hiru proiekturen artean banatuko dute: Baltistan Fundazioa, Ibarratik misio taldea eta Tolosaldea Sahararekin elkarteen artean, hain zuzen. Helburua argi dute antolatzaileek: "Kooperazio eta elkartasun baloreak ikasleekin gelan lantzeaz gain, ekintza jakin honetan ikastola komunitatea osatzen dugun guztion partaidetza bultzatzea da asmo".
Arropa, jostailuak, liburuak eta askotariko objektuak daude eskuragarri.