Herritarren ahalduntzea helburu nagusien artean du Tolosako Udalak, 2023-2019 Legealdi Planean. Hain justu, joan den astean aurkeztu zieten plana herritarrei, Topic zentroan. Bada, gaur, ahalduntze hori garatzeko egitasmoetako bat jarriko dute martxan, Tolosatzen Eskola Irekiaren lehen bileran; 18:30ean izango da, pleno aretoan.
Eskola Irekiak nazioarteko proiektu bat du oinarrian eta, udalak azaldu duenez, Tolosa proiektu pilotua izango da, "parte hartzearen esparruan bide bat egina duelako". Horrela, beraz, joan den agintaldian udalak garatutako Tolosatzen parte hartze foroaren jarraipena izango da Eskola Irekia, hiru ardatz nagusirekin: herritarrak trebetasun sozialetan gaitzea; ahalduntze sozio-komunitarioa eskuratzea; eta, azkenik, herritarrek herria, udaletxea eta ingurunea ezagutzea.
Tolosatzen Eskola Irekiko talde sustatzailea sortu dute dagoeneko, eta gaurko bilkuran talde motorra osatuko dute.