Joan den asteburuan hartu zuen, Arrasatek, XXVII. nazioarteko akordeoi lehiaketa, eta Tolosako Eduardo Mokoroa musika eskolako ikasleek emaitza bikainak lortu zituzten bertan.
Amaia Lizaso, Koldo Tarragona eta Maria Zubimendi irakasleen eskutik parte hartu zuten, hainbat mailatan eta, hastapenetakoan, urrezko zein zilarrezko dominak eskuratu zituzten. Laira Aldanondok eta Garazi Ezkerrak urrezko domina eskuratu zuten, eta zilarrezkoa, berriz, Amelia Elegarresta, Garazi Azpiroz, Imanol Lopetegi, Naroa Arregi, Ariane Sarasola, Oneka Seara, Bernat Aguirre, Maider Iraola, Eneko Iruiñ eta Irati Lasak.
Ganbera 1 Musika mailako parte hartzaileek, berriz, zilarrezko domina irabazi zuen, "meritu handiz". Talde horretan aritu ziren, Laida Aldanondo, Olaia Herrero, Inge Vázquez eta Daniela Zeberio.
Bide beretik, Ganbera 2 Musika kategorian, urrezko domina, saria eta epaimahaiaren aipamen berezia lortuta etxeratu ziren Irati Arrauabarrena eta Aitor Arzallus. Sail berean, Naiara Oyanluce eta Aitor Arzallus bikoteak zilarrezko domina ere eskuratu zuen.