«Jendeak konfiantza dauka urte askotako esperientzia daukagulako», ziurtatu du.
Usabal industrialdean daukan tailerrean denetik egiten du, marka guztietako autoekin: motor konponketak, olio aldaketak, distribuzioak, gurpilak aldatzea, balazten mantentze lanak, lerrokatzeak…
Orain, ekologiaren aldeko apustu bat ere egingo du, GLP gasa jarriz. «Kotxea gasolinarekin eta gas horrekin ibiltzen da, ekologikoagoa da eta gutxiago kutsatzen du», azaldu du. Horretarako, tailerra egokituko du Fernandezek, eta ikastaro bat ere egin du.
Zerbitzu ugari emateaz gain, bezeroari ematen dioten arretari ere garrantzia ematen diote, gustatzen zaielako jendeari azaltzea piezak zergatik aldatu diren. «Beste tailer batzuetan, agian, konponketa zailak ez dituzte egiten, eta beste nonbaitera joateko esaten dizute. Gu horiek egiteko prest gaude».