Su Ta Gar eta Bonberenea konponbide baten bila dabiltza

Tolosaldeko Ataria 2019ko aza. 28a, 16:30

Eztabaida sortu da Bonberenean atzo gertatuarekin. Ilara luzeak sortu ziren sarrerak hartu nahian, baina aurreneko apurrentzat besterik ez zeuden. 

Abenduaren 13an Su Ta Gar-ek kontzertua eskainiko du Bonberenean. Atzo arratsaldean sarrerak saltzeko hitzordua jarria zegoen. Ilarak Tolosaldeko Ataria-ren ateraino iritsi ziren, baina sarrerak aurreneko apurrentzat bakarrik iritsi ziren. Horrek jendearen haserrea piztu zuen. Sare sozialetan sarrerak agorturik zeudela iragarri zuten ondoren. 

Hain justu, haserrea sare sozialetara zabaldu zen atzo iluntzean, eta bertan ilaran egondako hainbatek bere kexa agertu zuen. Su Ta Gar taldeak, gaur gertatuaren inguruko iritzia eman du Twitter-en: "Gu ere flipatzen gaude kontzertuaren sarreren kudeaketarekin. Konponbide bat bilatzen saiatuko gara eta informatuak mantenduko zaituztegu. Gure barkamen zintzoena bertaratu zinetenei". 

Tolosaldeko Ataria-k Bonberenearekin hitz egin du gaur. "Hanka sartzea egin dugu, eta ilarara gerturatu ziren guztiei barkamena eskatzen diegu. Ez genuen horrelako erantzunik espero eta kudeaketa ez da ona izan. Orain konponbide baten bila gabiltza, eta zerbait zehaztu bezain pronto zabalduko dugu".  

Ez diogu hau kapritxo hutsagatik: lagun gaitzazu . Eduki hau guztia doan ikus dezakezu euskarazko hitzik gabeko Tolosaldea ez dugulako irudikatzen. Atarikide, iragarle eta erakunde askoren laguntzarik gabe ez litzateke posible hori. Gero eta komunitate handiagoa sortu, orduan eta sendoagoa izango da Ataria: zurekin, zuekin. Ez utzi biharko gaur egin dezakezun hori: egin zaitez Atarikide!


EGIN ATARIKIDE!