Eguerdian egin da zozketa, eta Tolosari Valladolid taldearen aurka jokatzea egokitu zaio. Abenduaren 17an, 18an edo 19an jokatuko da kanporaketa (partida bakarrera), Berazubin. Klubeko ordezkariak, beste aurkariren bat nahiago bazuten ere, pozik agertu dira zozketaren emaitzarekin.
Eguerdian, herritarrez eta Tolosa CF-ko ordezkariz bete da Bide Bide taberna. Bertan, klubeko kideekin batera, Errege Kopako lehen kanporaketaren zozketa jarraitzeko aukera izan da. Tentsioa nabaria zen, eta azkenean, Valladolid taldearen aurka jokatuko du kanporaketa horretako partida, Tolosak. Ez da itzulerako partidarik izango, eta beraz, Berazubiko neurketan erabakiko da zein talde igaroko den bigarren kanporaketara.
Ez diogu hau kapritxo hutsagatik: lagun gaitzazu . Eduki hau guztia doan ikus dezakezu euskarazko hitzik gabeko Tolosaldea ez dugulako irudikatzen. Atarikide, iragarle eta erakunde askoren laguntzarik gabe ez litzateke posible hori. Gero eta komunitate handiagoa sortu, orduan eta sendoagoa izango da Ataria: zurekin, zuekin. Ez utzi biharko gaur egin dezakezun hori: egin zaitez Atarikide!