Beste hiru bikote aurrera, Ogi Berri Txapelketan

Migel Soroa Oroimenezkoa Ogi Berri txapelketaren hirugarren jardunaldia izan zen jokoan pasa den asteburuan. Jubeniletan, Erkiaga-Azpiroz bikoteak 22-13 irabazi zion Olaizola-Gorrotxategiri. Partida ez zen oso ona izan, eta Erkiaga izan zen nabarmendu zena, 13 tanto lortuz, horietatik 6 sakez. Etorkizunezkoen mailan Larrazabal-Morgaetxeberriak 22-16 irabazi zioten Nazabal-L.Erkiagari. Jaialdiko partida ederrena. Larrazabal eta Morgaetxeberria oso maila onean aritu ziren. Larrazabalek abiadura handia eman zion pilotari eta erremate ugari eginez. Elite mailakoan Murua-I.Elizegi gailendu ziren 22-12 Arrieta-Alduntzin bikotearen aurka.