Rondilla kalea itxi egingo dute larunbatean

Larunbatean egingo den babarrun festa dela-eta, Rondilla kalea itxita egongo da trafikoarentzat 11:00etatik 14:00etara. Horrez gain, autobus zerbitzuan ere aldaketak egongo dira, Rondilla kaleko geralekuak ezingo baitira erabili. Honakoak izango dira geralekuak:

• Ibilbide luzeko autobusek beren geralekua aldatuko dute Rondilla 34tik Santa Klarara (Zumardi txiki).

• TSST autobusak Amaroztik sartuko dira Tolosara eta honako puntuetan geratuko dira: Zezen plaza, Nafarroa etorbidea, Jon Andoni Irazusta (biala) eta Larramendi.

• Tolosako autobusek ere geralekuak aldatuko dituzte:

  1. Rondilla 34tik Santa Klarara (Zumardi txiki)

  2. Rondilla, San Frantzisko eliza eta San Frantzisko Geltoki zerbitzutik kanpo geratuko dira.

• Hiribusa:

  1. Rondilla 34tik Santa Klarara (Zumardi txiki)

  2. San Frantzisko elizakoa Foruen etorbidera aldatuko da, San Frantsizkoko bidegurutzetik gertu.