Kadeteetan, lehen mailan, U. Amiano eta Iztueta bikotea Añorga elkarteko Olaizola eta Orbegozoren aurka jokatuko dute, Donostiako Atano III.a pilotalekuan, larunbatean, 16:00etatik aurrera. Jaialdi horretako hirugarren eta laugarren partidetan, jubenilen lehen mailan bi bikote ariko dira Tolosa CF-Aurrerakoak: Altuna-Ugartemendia Mundarroko Lizeaga-Lizeaga bikotearen aurka, eta I. Amiano-Sudupe Ilunpeko I. Egiguren-Elosegiren aurka.
Nagusien lehen mailan, Elola-Etxeberria bikotea Pagazpeko Santxo-Urrozola bikotearen aurka ariko da, Usurbilgo udal pilotalekuan, bihar, 20:15etik aurrera. Nagusien ohorezko mailan, larunbatean jokatuko dute E. Labaka-Telletxea bikoteak Lapkeko Zubizarreta-Quinaren aurka, Lazkaoko Jose Miel Barandiaren pilotalekuan, 16:30etik aurrera hasiko den partidan.